Traballei como investigador na Estación de Bioloxía Mariña da Graña (Ferrol) case 9 anos, onde redactei os poucos artigos científicos que teño publicados (podes consultalos aquí). Dende entón non podo deixar de ver o mundo de forma cuantitativa.
Como tomar mostras submariñas sen morrer no intento? Colaboracións científica: que son e como se fan? … a todas estas preguntas e moitas outras fun respostando durante todo ese tempo. Xa non traballo alí, pero sigo interesado en saber da investigación en Galiza e no Mundo
Para coñecer de primeiro man a ingravidez submariña fixenme mergullador recreativo. Unha mañan baixo a auga e unhas cervexas entre compañeir@s de mergullo é o meu plan dominical perfecto.
Teño o título de Patrón Portuario e xa gobernei varias embarcacións. Tamén sei o que é vivir nun barco pesqueiro. Non pretendo facer carreira náutica pero gustame navegar e fágoo sempre que podo. Actualmente traballo como Gardapesca (Garda Rural).