Excursión en barco pola Coruña con degustación
Tras un paseo pola baía da Coruña, previa explicación sobre o entorno e a embarcación tradicional galega, realizaceros unha degustación a bordo para disfrutar de produtos galegos de proximidade relacionados co mar.
Domingos ás 11:30h
Consúltanos para realizar esta saída á outra hora.
Duración: 2 horas
Marina Coruña
Ata 7 persoas
Tarxeta e Bizum
Degustación de mexillóns na Coruña
O obxectivo desta ruta gastronómica a bordo do Punta Pragueira é coñecer o patrimonio gastronómico vinculado a Galicia e o seu sabor atlántico, cunha experiencia gustativa a bordo.
O noso menú degustación contará cunha variedade de conservas do mar, con produtos de Porto Muiños, empresa familiar ubicada en Cerceda pioneira na comercialización de algas para alimentación.
Comezaremos coa apertura de boca cunha ensalada de algas de produción ecolóxica.
Continuaremos probando mexillóns con alga wakame nun suave escabeche.
E remataremos cun sabor doce grazas ás pastas de manteiga de Raizame, elaboradas de forma artesanal desde un pequeno obradoiro en A Coruña.
Como acompañamento ao menú, serviremos un viño galego da IXP Terra de Betanzos, co cal probarás a variedade de uva autóctona branco lexítimo. De intensidade aromática alta, con aromas primarios intensos a froita fresca (mazá, albaricoque) e a froita confitada (mazá en almíbar). É un viño estruturado, con corpo e persistente.
Proba o noso menú e degusta o Sabor Atlántico
Fomentamos a economía local, a sustentabilidade ambiental e a conexión coa cultura e as tradicións galegas. Por iso, para esta ruta quisemos colaborar cos seguintes proxectos e empresas locais da comarca da Coruña, cos que compartimos valores.
Un galeón de tradición histórica
O galeón é unha das tipoloxías de embarcacións tradicionais galegas que están incluídas no censo do patrimonio cultural da Xunta de Galicia. Esta embarcación dedicábase ao transporte de mercadorías entre as diferentes vilas costeiras de Galicia e caracterizábase por ter pouco calado e unha cuberta ampla e plana.
Características do Punta Pragueira:
- Eslora: 8 metros
- Manga: 2,5 metros
- Tripulación: 1 patrón-guía
- Pasaxe: 7 persoas (+ 1 tripulación)
- Propulsión: motor e vela
- Matrícula: 6ª CO 2.4.22
A tripulación
Xandro García Regueira
A miña relación co mar comezou cando eu era moi novo, cando observaba os delfíns dende a fiestra da miña casa en Malpica e xogaba a contar o tempo que os corvos mariños mergullaban. Foi así como naceu a miña paixón e o que marcou a miña vida: convertirme en biólogo mariño de profesión, patrón portuario por devoción e buceador recreativo no meu tempo libre.
Xandro García Regueira
Mi relación con el mar viene desde muy pequeño, cuando veía pasar los delfines desde la ventana de mi casa, en Malpica, y jugaba a contar el tiempo que se sumergían los cormoranes. De aquí nace mi pasión y lo que marcó mi vida: biólogo marino de profesión, patrón portuario por devoción y buceador recreativo en mi tiempo libre.
Barco en Marina Coruña
Opinións sobre as rutas Marabaixo
Preguntas frecuentes sobre a Ruta Salgada
Pode ser que teñas algunhas preguntas antes de mergullarte nesta ruta en barco con comida a bordo. Respostamos ás preguntas máis frecuentes entre a nosa clientela para animarte a probar o noso menú salgado.
¿Poden embarcar familias con nenas e nenos pequenos?
Si, poden embarcar nenas e nenos a partir de 3 anos. Cada neno ou nena debe ir acompañado dun adulto. A responsabilidade final dos menores de idade será dos adultos que os acompañen.
Non obstante, é importante destacar que a embarcación pode resultar algo incómoda para nenos menores de 10 anos.
¿Qué roupa debo levar?
Recomendámosche roupa de abrigo e calzado cómodo. No mar sempre sopra unha brisa que, dependendo da dirección do vento, pode ser máis ou menos fría.
Na tempada alta, é moi recomendable levar un gorro para protexer a cabeza e crema solar.
¿Podo marearme neste barco?
As características do Punta Pragueira fan del un barco moi estable e é difícil marearse neste tipo de embarcación. A principal razón é que navegamos practicamente ao nivel da auga, estando sempre na cuberta e ao aire libre.
¿Con canto tempo de antelación debería chegar?
Recomendamos chegar ao punto de encuentro cando menos 15 minutos antes da saída, para evitar retrasar as seguintes rutas.
¿Podo pagar en efectivo o día da saída?
Si, aceptamos diferentes formas de pago. Podes pagar a través desta páxina con tarxeta, con Bizum ou pagar en efectivo o día da saída. Non obstante, deberás realizar a túa reserva con antelación para asegurar a data. Ao realizar a reserva, poderás elixir o método de pagamento.
¿Pódese cancelar a viaxe por mal tempo?
Si, cando as condicións meteorolóxicas sexan adversas, a viaxe poderá ser cancelada. Nese caso, ofrecémosche dúas opcións: adiar a data da viaxe ou cancelala. No caso de cancelación, reembolsarémosche o importe pagado previamente.
Sempre confirmaremos a saída 48 horas antes.
¿Qué medidas de seguridade ten o barco?
O galeón conta con chalecos salvavidas para cada persoa do pasaxe, aínda que non é obrigatorio levalos postos durante o viaxe. Con todo, a excepción de nenos/nenas e persoas con mobilidade reducida, que deberán levalos sempre postos.
