4 minutos de lectura

Un estudo realizado durante o confinamento da Covid-19, detectou menor incidencia en síntomas de ansiedade e/ou depresión nas persoas con contacto coa natureza. Este estudo realizouse mediante enquisas online en distintos países durante o confinamento. Nos resultados destacase os beneficios do contacto coa natureza para a nosa saúde.

Ansiedade no confinamento da Covid-19. Fonte: pxhere.com
Ansiedade no confinamento da Covid-19. Fonte: pxhere.com

Unha enquisa online

Máis de 6.000 persoas contestaron unha enquisa online mentres sufrían as restricións máis severas conta a pandemia da Covid-19. O estudo, que está accesible na plataforma SocArXiv, foi realizado por persoal investigador do País Vasco, Reino Unido e Noruega. 

Esta enquisa de 54 preguntas, foi distribuída mediante correo-e, en idioma Español e Inglés. Para contestalo debía cubrirse un formulario de “Googe Forms”. Contestaron 6.080 persoa dende 77 países, maioritariamente residentes no continente europeo. Os países nos que participou máis xente foron: España (3.704 persoas, o 61%), Reino Unido (451 persoas, o 7.4%) e Alemaña (324 persoas, o 5.3%).

O período de tempo no que estivo activa a enquisa, entre o 17 de abril e o 8 de maio, foi inmediatamente posterior a que os gobernos europeos decretasen o confinamento máis restritivo. O estudo distingue 3 graos de dureza no confinamento: no nivel 1, o máis severo (que se viviu por exemplo en España, Italia ou China), a xente non puido saír das súas casas excepto para ir a traballos esenciais, para comprar comida, por emerxencia ou para sacar a pasear a súa mascota. No nivel 2 (en Francia ou Reino Unido), permítese saír da casa un certo tempo para facer exercicio, e no nivel 3 (países escandinavos) as limitacións de movemento atendían a recomendacións vinculantes para determinados espazos.

A nosa saúde tamén está natureza

Chámaselles “servizos culturais” aos beneficios obtidos polos humanos no contacto coa natureza, é dicir, os efectos non materiais que melloran a saúde física e mental. Estes efectos xa foron descritos noutros estudos, pero esta publicación afonda neles. 

Unha das principais conclusións deste estudo é que as persoas con acceso directo a ambientes verdes-azuis, como parques, xardíns, piscinas, montes, praias, lagoas ou ríos, tiveron unha menor incidencia en síntomas de ansiedade e/ou depresión. Ou o que é o mesmo, as persoas que non podían saír da súas casas e non dispoñían de lugares privados ao aire libre (como balcóns, xardíns, piscinas, etc) manifestaron máis síntomas de ansiedade e/ou depresión. 

Depresión nas mulleres. Fonte: pixabay.com
Depresión nas mulleres. Fonte: pixabay.com

Este estudo tamén atopou diferencias entre as persoas que estando encerradas na súa casa (nivel 1 de confinamento) podían observar paisaxes naturais e os que non tiñan esa posibilidade. A xente que non vía paisaxes naturais dende a súa fiestra ou vían paisaxes mixtas (naturais e urbanos) tivo maior probabilidade de sufrir síntomas de trastornos mentais que os que tiñan esa posibilidade.

Factores sociais

Existen varios grupos de persoas os que o confinamento lles afectou de xeito máis severo. Así, as persoas que perderon o seu emprego polo confinamento obrigatorio tiveron maiores síntomas de ansiedade e/ou depresión. Na xente moza detectouse unha maior probabilidade de sufrir depresión, quizais porque teñan unha maior demanda natural de socialización física. A depresión e ansiedade antes da COVID-19 afectaba en maior mediada as mulleres que os homes, e neste estudo suxirese que esta maior incidencia continúa en situacións extremas como o confinamento.

Curiosamente, os donos de mascotas durante o confinamento nivel 1 (o máis duro) tiveron máis probabilidade de sufrir ansiedade a pensar de dispoñer de tempo extra para estar fóra da casa. Isto quizais sexa debido a que esa actividade, normalmente agradábel, de pasear a súa mascota, estivo en moitos países limitado a un determinado número de saídas ou con restricións no tempo, o que converteu esta actividade nunha obriga con riscos para a saúde das persoas durante o confinamento. 

Música dende o balcon. Fonte: noticiasdegipuzkoa.eus
Música dende o balcon. Fonte: noticiasdegipuzkoa.eus

Nova normalidade post Covid-19

O confinamento é unha medida extrema que ten consecuencias para a nosa saúde. Se os estudos epidemiolóxicos o permiten, as autoridades sanitarias deberan contemplar medidas para mitigar esa situación. Un novo confinamento poderia aumentar a incidencia de enfermidades mentais nas persoas, polo que deberamos estar preparadas para unha maior prevalencia destes trastornos, de darse o caso, especialmente en grupos vulnerables como mulleres, mozos ou persoas sen contacto coa natureza.

Os espazos naturais, públicos e privados, aos que imos “cargar as pillas”, deberan ser o eixe central das nosas vilas e cidades. Poder achegármonos a eles de xeito habitual para desconectar, realizar actividades lúdicas, ou simplemente marabillarse da natureza, debera ser unha opción para toda a xente, e non só para unhas poucas persoas.

Diversos estudos como este evidencian os beneficios que o contacto coa natureza ten para a nosa saúde. Chegou xa o momento de replantexarnos os nosos hábitos e a relación que temos co lugar onde vivimos. A pandemia da Covid-19 ten que ser un punto de inflexión para que as cidades do futuro nos permitan conectar coa natureza. 

Máis información

Pouso, Sarai, Angel Borja, Lora E. Fleming, Erik Gómez-Baggethun, Mathew White, and María C. Uyarra. 2020. “Maintaining Contact with Blue-green Spaces During the COVID-19 Pandemic Associated with Positive Mental Health.” SocArXiv. August 4.

Deixa unha resposta

This site is protected by reCAPTCHA and the Google Privacy Policy and Terms of Service apply.

Información básica sobre protección de datos Ver más

  • Responsable Alexandre García Regueira.
  • Finalidad  Moderar los comentarios. Responder las consultas.
  • Legitimación Tu consentimiento.
  • Destinatarios  Dinahosting SL.
  • Derechos Acceder, rectificar y suprimir los datos.
  • Información Adicional Puedes consultar la información detallada en la Política de Privacidad.