Novas relevantes e curiosas sobre investigación mariña en Galiza.

Percebes e centolas máis baratos este Nadal

  • Comentarios da entrada:Sen comentarios

É habitual que neste mes de decembro os prezos de moitos produtos pesqueiros se disparen pola elevada demanda. Acontece con mariscos como a centola, os percebes, ameixas, nécora, pero tamén con peixes de “alta gama” como robalos, linguados, sargos, etc. Este ano 2020 a pandemia parece que pode con todo, pero os prezos do marisco non están tan baratos como se esperaba.

Continuar lendoPercebes e centolas máis baratos este Nadal

Primeiro estudo da distribución de microplásticos en Galiza

  • Comentarios da entrada:Sen comentarios

Ven de publicarse o primeiro estudo que detecta microplásticos nas rias baixas e na desembocadura do río Miño. Os microplásticos son fragmentos menores de 5 mm de material plástico. Os resultados deste estudo coinciden con outros feitos noutras partes do mundo como Portugal, o Golfo de Biscaia, Bélxica ou Singapur.

Continuar lendoPrimeiro estudo da distribución de microplásticos en Galiza

O contacto coa natureza mitigou os efectos do confinamento da Covid-19

  • Comentarios da entrada:1 comentario

Un estudo realizado durante o confinamento da Covid-19, detectou menor incidencia en síntomas de ansiedade e/ou depresión nas persoas con contacto coa natureza. Este estudo realizouse mediante enquisas online en distintos países durante o confinamento. Nos resultados destacase os beneficios do contacto coa natureza para a nosa saúde.

Continuar lendoO contacto coa natureza mitigou os efectos do confinamento da Covid-19

As cunchas de mexillón, un novo material de construción

  • Comentarios da entrada:2 comentarios

Unha tese presentada na Escola Técnica Superior de Enxeñería de Camiños, Canais e Portos da UDC, propón o uso da cuncha de mexillón como árido para construción. O traballo da investigadora Carolina Martínez, que forma parte do grupo gCONS, analiza o comportamento deste novo material. Galiza é un dos principais produtores de mexillón do mundo e xéranse 25.000 t de cunchas ao ano como subproduto da industria conserveira.

Continuar lendoAs cunchas de mexillón, un novo material de construción

O verán das candorcas en Galiza

  • Comentarios da entrada:1 comentario

As candorcas (Orcinus orca) son sen dúbida os cetáceos máis mediáticos. Teñen protagonizado filmes e son domesticadas para converterse na principal atracción dos acuarios, a tradución literal do seu nome en inglés (balea asasina) produce titulares con maior impacto, e xenera atracción nos lectores de prensa. O avistamento dunha manda destes animais nas costas galegas foi o acontecemento máis medíatico deste verán, polo excepcional do feito e pola interacción que estes animais tiveron con varios barcos.

Continuar lendoO verán das candorcas en Galiza

Porque varan tantos mamíferos mariños en Galiza?

  • Comentarios da entrada:2 comentarios

O pasado ano 2018 foi o de maior número de varamentos de mamíferos mariños en Galiza dende que a CEMMA ten rexistros (sobre 350), e nos 2 primeiros meses de 2019 vararon xa máis de 110 animais. A media anual de varamentos é de 280. Se antes o máximo de varamento no ano acontecia sobre Marzo-Abril e existía un descenso en Xuño-Setembro, agora o máximo estase a dar en Xaneiro-Febreiro e prácticamente non existe un descenso no número de varamentos ao longo do ano.

Continuar lendoPorque varan tantos mamíferos mariños en Galiza?

Premios turísticos a un proxecto pesqueiro

  • Comentarios da entrada:Sen comentarios

Pescaturismo ven de ser galardoada no ano 2018 polo goberno balear como "la mejor experiencia turística", e co premio "Turismo Sostenible de Fitur". Estes dous galardóns recoñecen o caracter innovador e sostible desta iniciativa, que comezou a súa actividade no 2015. Esta start-up tecnolóxica embarcou no 2018 a máis de 800 persoas nas Illas de Mallorca e Menorca. En total foron case 300 excursións en barcos pesqueiros profesionais que se saldaron sen ningún incidente.

Continuar lendoPremios turísticos a un proxecto pesqueiro

A UDC e o CIMA investigarán os poliquetos comerciais que hai en Galiza

  • Comentarios da entrada:1 comentario

A Universidade da Coruña (UDC) e o Centro de Investigacións Mariñas (CIMA) organismo dependente da Dirección Xeral de Desenvolvemento Pesqueiro da Consellería do Mar veñen de asinar un convenio co fin de investigar "Aspectos básicos da bioloxía de poliquetos explotados nas costas de Galicia. Criterios para a xestión das poboacións explotadas". Este convenio supón un avance cara a mellora da xestión dun recurso en auxe en Galiza, pero sobre todo no coñecemento das 4 especies de miñocas explotadas en Galiza.

Continuar lendoA UDC e o CIMA investigarán os poliquetos comerciais que hai en Galiza

Fin do contido

Non hai máis páxinas que cargar